HTML: http://ancientsource.daphnet.iliesi.cnr.it/texts/Sextus/Math-10,195
RDF: http://ancientsource.daphnet.iliesi.cnr.it/texts/Sextus/Math-10,195.rdf
1.
[10.195] οὔτε δὲ ὑπὸ τοῦ ἐνεστῶτος ἐνδέχεται τοὺς ἄλλους χρόνους καταμετρεῖσθαι. εἰ γὰρ ὁ
ἐνεστὼς χρόνος καταμετρεῖ τὸν παρῳχημένον, ἔσται ὁ ἐνεστὼς χρόνος κατὰ τὸν παρῳχημένον,
γινόμενος δὲ κατὰ τὸν παρῳχημένον οὐκέτι ἔσται ἐνεστώς, ἀλλὰ παρῳχημένος. καὶ εἰ τὸν μέλλοντα
καταμετρεῖ ὁ ἐνεστώς, κατ' αὐτὸν γινόμενος μέλλων ἔσται, ἀλλ' οὐχὶ ἐνεστώς. ὅθεν οὐδὲ τοῖς
ἄλλοις χρόνοις ἐνδέχεται καταμετρεῖν τὸν ἐνεστῶτα˙ ἑκάτερος γὰρ αὐτῶν κατὰ τοῦτον γενόμενος
ἐνεστὼς ἔσται καὶ οὔτε παρῳχημένος οὔτε μέλλων.