[11.30] (§ 30 Cfr. PH III 172) ἀλλ΄ οἱ μὲν ἀρχαιότεροι͵ ὡς προεῖπον͵ τοιοῦτοί τινες ἦσαν· οἱ δ΄ ἀπὸ τῆς Στοᾶς θέλουσιν ἐπὶ τῆς τοῦ ἀγαθοῦ προσηγορίας τὸ δεύτερον σημαινόμενον ἐμπεριληπτικὸν εἶναι τοῦ πρώτου καὶ τὸ τρίτον περιληπτικὸν τῶν δυοῖν. ἦσαν δὲ οἱ φάσκοντες (Cfr. ) ἀγαθὸν ὑπάρχειν τὸ δι΄ αὑτὸ αἱρετόν. οἱ δ΄ οὕτως· ῾῾ἀγαθόν ἐστι τὸ συλλαμβανόμενον πρὸς εὐδαιμονίαν᾽᾽͵ τινὲς δὲ τὸ ῾῾συμπληρωτικὸν εὐδαιμονίας᾽᾽. εὐδαιμονία δέ ἐστιν͵ ὡς οἵ τε περὶ τὸν Ζήνωνα (Cfr. ) καὶ Κλεάνθην καὶ Χρύσιππον ἀπέδοσαν͵ εὔροια βίου. (Cfr. et § 110.)
Πλὴν τὸ μὲν γένος τῆς τοῦ ἀγαθοῦ ἀποδόσεώς ἐστι τοιοῦτον·