HTML: http://ancientsource.daphnet.iliesi.cnr.it/texts/Sextus/Math-11,194
RDF: http://ancientsource.daphnet.iliesi.cnr.it/texts/Sextus/Math-11,194.rdf
1.
[11.194] ἐν δὲ τῷ περὶ τοῦ καθήκοντος͵ περὶ τῆς τῶν γονέων ταφῆς διεξερχόμενος͵ ῥητῶς
φησίν (Cfr.
SVF
fr. III 752
Arn. (ed).
)·
῾῾ἀπογενομένων δὲ τῶν γονέων ταφαῖς χρηστέον ταῖς ἁπλουστάταις͵ ὡς ἂν τοῦ σώματος͵
καθάπερ ὄνυχος ἢ τριχῶν͵ οὐδὲν ὄντος πρὸς ἡμᾶς͵ οὐδ΄ ἐπιστροφῆς καὶ πολυωρίας
προσδεομένων ἡμῶν τοιαύτης τινός. διὸ καὶ χρησίμων μὲν ὄντων τῶν κρεῶν τροφῇ χρήσονται
αὐτοῖς͵ καθάπερ καὶ τῶν ἰδίων μερῶν͵ οἷον ποδὸς ἀποκοπέντος ἐπέβαλλε χρῆσθαι αὐτῷ͵ καὶ
τοῖς παραπλησίοις· ἀχρείων δὲ ὄντων αὐτῶν ἢ κατορύξαντες τὸ μνῆμα ἐάσουσιν͵ ἢ
κατακαύσαντες τὴν τέφραν ἀφήσουσιν͵ ἢ μακρότερον ῥίψαντες οὐδεμίαν ἐπιστροφὴν αὐτῶν
ποιήσονται͵ καθάπερ ὄνυχος ἢ τριχῶν.᾽᾽