HTML: http://ancientsource.daphnet.iliesi.cnr.it/texts/Sextus/PH-3,242
RDF: http://ancientsource.daphnet.iliesi.cnr.it/texts/Sextus/PH-3,242.rdf
1.
[3.242] ταῦτά τοι καὶ
οἱ Στωικοὶ (
Stoic. fr. II 97 A.) ἐν τῇ τῆς καταληπτικῆς φαντασίας ἐννοίας ἀποδόσει οὐχ ὑγιῶς φέρονται˙
καταληπτικὴν μὲν γὰρ φαντασίαν λέγοντες τὴν ἀπὸ ὑπάρχοντος γινομένην, ὑπάρχον δὲ εἶναι λέγοντες ὃ οἷόν τε κινεῖν καταληπτικὴν φαντασίαν, εἰς τὸν διάλληλον ἐμπίπτουσι τῆς ἀπορίας τρόπον. εἰ τοίνυν, ἵνα μὲν περὶ τὸν βίον ᾖ τις τέχνη, δεῖ πρότερον εἶναι τέχνην, ἵνα δὲ ὑποστῇ τέχνη, κατάληψιν προϋφεστάναι, ἵνα δὲ ὑποστῇ κατάληψις, καταληπτικῇ φαντασίᾳ συγκατάθεσιν κατειλῆφθαι, ἀνεύρετος δέ ἐστιν ἡ καταληπτικὴ φαντασία(Cfr.
adv. dogm. II 88 sqq.), ἀνεύρετός ἐστιν ἡ περὶ τὸν βίον τέχνη.