ἀγωγῇ δὲ ἔθος ἀντιτίθεται, ὅταν οἱ πολλοὶ ἄνθρωποι ἀναχωροῦντες μιγνύωνται ταῖς ἑαυτῶν [3] γυναιξίν, ὁ δὲ Κράτης τῇ Ἱππαρχίᾳ δημοσίᾳ. καὶ τί θαυμαστόν, ὅπου γε καὶ οἱ ἀπὸ τῆς κυνικῆς φιλοσοφίας καὶ οἱ περὶ τὸν Κιτιέα Ζήνωνα [fr. 249 S.V.F. I p. 59] καὶ Κλεάνθην [fr. 585 S.V.F. I p. 132] καὶ Χρύσιππον [fr. 745 S.V.F. III p. 185] note>ἀδιάφορον τοῦτο [scil.τὸ τῆς ἀρρενομιξίας] εἶναί φασιν; καὶ τὸ δημοσίᾳ γυναικὶ μίγνυσθαι, καίτοι παρ' ἡμῖν αἰσχρὸν εἶναι δοκοῦν, παρά τισι τῶν Ἰνδῶν οὐκ αἰσχρὸν εἶναι νομίζεται˙ μίγνυνται γοῦν ἀδιαφόρως δημοσίᾳ, καθάπερ καὶ περὶ τοῦ φιλοσόφου Κράτητος ἀκηκόαμεν.