ἐρωτηθεὶς [scil. Aristippus] ὑπὸ Διονυσίου διὰ τί οἱ μὲν φιλόσοφοι ἐπὶ τὰς τῶν πλουσίων θύρας ἔρχονται, οἱ δὲ πλούσιοι ἐπὶ τὰς τῶν φιλοσόφων οὐκέτι, ἔφη, "ὅτι οἱ μὲν ἴσασιν ὧν δέονται, οἱ δ' οὐκ ἴσασιν." [ = ARSEN. p. 113, 14-17]. [5] εἰπόντος τινὸς ὡς ἀεὶ τοὺς φιλοσόφους βλέποι παρὰ ταῖς τῶν πλουσίων θύραις, "καὶ γὰρ οἱ ἰατροί," φησι [scil. Aristippus], "παρὰ ταῖς τῶν νοσούντων˙ ἀλλ' οὐ παρὰ τοῦτο τις ἂν ἕλοιτο νοσεῖν ἢ [8] ἰατρεύειν." ὁ αὐτὸς [scil. Aristippus] εἰπόντος τινὸς αὐτῷ διὰ τί τοῖς μοχθηροῖς πλησιάζει, εἶπεν˙ "ὅτι καὶ ἰατροὶ [10] τοῖς νοσοῦσιν."