V B 284 DIOG. LAERT. VI 41:
ἐν Μεγάροις ἰδὼν [scil. Diogenes] τὰ μὲν πρόβατα τοῖς δέρμασιν ἐσκεπασμένα, τοὺς δὲ παῖδας αὐτῶν γυμνούς, ἔφη, "λυσιτελέστερόν ἐστι Μεγαρέως εἶναι κριὸν ἢ υἱόν."
GNOM. VAT. 743 n. 191:
ὁ αὐτὸς [scil. Diogenes] ἐλθών ποτε εἰς Μέγαρα καὶ θεασάμενος Μεγαρέων τὰ πρόβατα ταῖς διφθέραις εἱλημένα, τοὺς δὲ υἱοὺς γυμνοὺς αὐτὰ ποιμαίνοντας ἔφη˙ "κρεῖσσόν ἐστι Μεγαρέων κριὸν εἶναι ἢ υἱόν." [= COD. OTTOBON. GR. 192 f. 206
r].
PLUTARCH. de cupid. divit. 7 p. 256 C:
οὐ γὰρ μόνον κατὰ τὸν Εὐριπίδην [fr. 976 p. 675 N
2]˙
"ἀκόλασθ' ὁμιλεῖν γίνεται δούλων τέκνα"
<ἀλλὰ> καὶ μικρολόγων˙ ὥς που καὶ Διογένης ἐπέσκωψεν εἰπὼν "Μεγαρέως ἀνδρὸς βέλτιον εἶναι κριὸν ἢ υἱὸν γενέσθαι."
AELIAN. var. hist. XII 56:
Διογένης ὁ Σινωπεὺς ἔλεγε πολλά, τὴν ἀμαθίαν καὶ τὴν ἀπαιδευσίαν τῶν Μεγαρέων διαβάλλων, καὶ ἐβούλετο Μεγαρέως ἀνδρὸς κριὸς εἶναι μᾶλλον ἢ υἱός. ᾐνίττετο δὲ ὅτι τῶν θρεμμάτων ποιοῦνται πρόνοιαν οἱ Μεγαρεῖς, τῶν παίδων δὲ οὐχί.