HTML: http://ancientsource.daphnet.iliesi.cnr.it/texts/Sextus/Math-2,49
RDF: http://ancientsource.daphnet.iliesi.cnr.it/texts/Sextus/Math-2,49.rdf
1.
[2.49] ὅμως δ' οὖν ῥητέον πρῶτον μὲν ὅτι οὐκ εἰ τὸν λόγον ἐξεπόνησεν ἡ ῥητορική, πάντως ἐστὶν
ἔντεχνος, ἀλλ' εἰ τὸν συμφέροντα. καθὸ γὰρ φαρμάκων διαφόρων ὄντων, καὶ τῶν μὲν θανασίμων τῶν
δὲ σωτηρίων, ἡ μὲν ἐν τοῖς θανασίμοις ἕξις καταγιγνομένη οὔτε τέχνη τίς ἐστιν οὔτε ἰατρική, ἡ
δὲ περὶ τὰ σωτήρια καὶ τέχνη καὶ βιωφελής, οὕτω καὶ λόγων τῶν μὲν συμφερόντων τῶν δὲ βλαπτικῶν
ὄντων, εἰ μὴ περὶ τοὺς συμφέροντάς ἐστιν ἡ ῥητορικὴ ἀλλὰ τοὺς βλαβερούς, πρὸς τῷ μὴ εἶναι τέχνη
ἔτι καὶ κακοτεχνία γενήσεται. παρεστήσαμεν (Cfr. §§ 41
sqq.) δέ γε πρότερον ὅτι βλαπτικωτάτοις ἐνυποδύεται λόγοις˙