HTML: http://ancientsource.daphnet.iliesi.cnr.it/texts/Sextus/Math-5,47
RDF: http://ancientsource.daphnet.iliesi.cnr.it/texts/Sextus/Math-5,47.rdf
1.
[5.47] καὶ εἰ μὲν ἐν τοῖς κατ' ἀνάγκην, ἀνωφελεῖς εἰσιν ἐν τῷ βίῳ˙ τὸ γὰρ κατ' ἀνάγκην
συμβαῖνον οὐκ ἔστιν ἐκκλῖναι, ἀλλ' ἐάν τε θέλωμεν ἐάν τε μὴ θέλωμεν, ἐκβῆναι δεῖ τὸ τοιοῦτο.
τότε δ' ἂν χρειώδης ἐτύγχανεν ἡ πρόρρησις, εἰ πρὸς τὴν ἔκκλισιν αὐτοῦ τὴν ἀναφορὰν ἐλάμβανεν.
εἰ δ' ἐν τοῖς τυχηροῖς, ἀδύνατόν τι ἐπαγγέλλονται˙ ἄστατα γὰρ τὰ τυχηρῶς γινόμενα, τῶν δὲ
ἀστάτων καὶ ἄλλοτε ἄλλως ἐκβαινόντων οὐκ ἔστιν ἑστῶσαν ποιεῖσθαι τὴν προαγόρευσιν.