HTML: http://ancientsource.daphnet.iliesi.cnr.it/texts/Sextus/Math-7,313
RDF: http://ancientsource.daphnet.iliesi.cnr.it/texts/Sextus/Math-7,313.rdf
1.
[7.313] ἔπειτα εἰ αὑτὸν καταλαμβάνει ὁ νοῦς, καὶ τὸν τόπον ἐν ᾧ ἔστι συγκαταλήψεται˙ πᾶν γὰρ
τὸ καταλαμβανόμενον σύν τινι τόπῳ καταλαμβάνεται. εἰ δὲ καὶ τὸν τόπον ὁ νοῦς τὸν ἐν ᾧ ἔστι
συγκαταλαμβάνει ἑαυτῷ, ἐχρῆν μὴ διαφωνεῖσθαι τοῦτον παρὰ τοῖς φιλοσόφοις (Cfr.
PH
I 128), τῶν μὲν κεφαλὴν λεγόντων εἶναι τῶν δὲ θώρακα, καὶ
ἐπ' εἴδους τῶν μὲν ἐγκέφαλον τῶν δὲ μήνιγγα, τινῶν δὲ καρδίαν, ἄλλων δὲ ἥπατος πύλας ἤ τι
τοιοῦτο μέρος τοῦ σώματος. διαφωνοῦσι δέ γε περὶ τούτου οἱ δογματικοὶ τῶν φιλοσόφων˙ οὐκ ἄρα
καταλαμβάνει ἑαυτὸν ὁ νοῦς.