HTML: http://ancientsource.daphnet.iliesi.cnr.it/texts/Sextus/Math-7,364
RDF: http://ancientsource.daphnet.iliesi.cnr.it/texts/Sextus/Math-7,364.rdf
1.
[7.364] κἂν ὑποθώμεθα δὲ τὴν διάνοιαν διὰ τῶν αἰσθητικῶν πόρων ὥσπερ τινῶν ὀπῶν προκύπτουσαν
(Cfr. § 350) καὶ χωρὶς τῶν προκειμένων αὐτῆς αἰσθήσεων
τοῖς ἐκτὸς πράγμασι προσβάλλουσαν, ἄπορος οὐδὲν ἧσσον καὶ κατὰ τοῦτο ἡ ὑπόθεσις εὑρεθήσεται.
δεῖ γὰρ τὴν οὕτω τῶν ὑποκειμένων ἀντιλαμβανομένην διάνοιαν ὡς ἐναργῶν τῶν ὑποκειμένων
ἀντιλαμβάνεσθαι, οὐδὲν δέ ἐστιν ἐναργές, ὡς παραστήσομεν˙ οὐκ ἄρα δυνατόν ἐστι τὸ ἐν τοῖς
ὑποκειμένοις ἀληθὲς λαβεῖν.
ἐναργὲς γὰρ ἀξιοῦται τυγχάνειν
ὑπὸ τῶν ἐναντίων τὸ ἐξ ἑαυτοῦ λαμβανόμενον καὶ μηδενὸς ἑτέρου χρῇζον εἰς παράστασιν.