HTML: http://ancientsource.daphnet.iliesi.cnr.it/texts/Sextus/Math-7,426
RDF: http://ancientsource.daphnet.iliesi.cnr.it/texts/Sextus/Math-7,426.rdf
1.
[7.426] Πῶς δ' οὐχὶ καὶ εἰς τὸν δι' ἀλλήλων ἐμπίπτουσι τρόπον (Cfr. § 341); ζητούντων γὰρ ἡμῶν τίς ἐστιν ἡ καταληπτικὴ φαντασία, ὁριζόμενοί
φασιν (Cfr.
SVF
fr. I 59
Arn. (ed).
) ῾῾
ἡ ἀπὸ
ὑπάρχοντος καὶ κατ' αὐτὸ τὸ ὑπάρχον ἐναπομεμαγμένη καὶ ἐναπεσφραγισμένη, ὁποία οὐκ ἂν γένοιτο
ἀπὸ μὴ ὑπάρχοντος᾽᾽(Cfr. § 248). εἶτα πάλιν, ἐπεὶ
πᾶν τὸ ὁρικῶς διδασκόμενον ἐκ γινωσκομένων διδάσκεται, προσανακρινόντων ἡμῶν τί ποτ' ἐστι καὶ
τὸ ὑπάρχον, ἀναστρέψαντές φασιν ὅτι ῾῾ὑπάρχον ἐστὶν ὃ κινεῖ καταληπτικὴν φαντασίαν᾽᾽. ὥστε ἵνα
μὲν μάθωμεν τὴν καταληπτικὴν φαντασίαν, προειληφέναι ὀφείλομεν τὸ ὑπάρχον, ἵνα δὲ τοῦτο, ἐπὶ
τὴν καταληπτικὴν βαδίζειν φαντασίαν˙ καὶ οὕτω μηδέτερον γίνεσθαι σαφές, περιμένον τὴν ἐκ τοῦ
ἑτέρου πίστιν.