[9.149] ὡσαύτως δὲ καὶ ἄψυχόν ἐστιν (Cfr. ) ˙ εἰ γὰρ ὑπὸ ψυχῆς συνέχεται, πάντως ἀπὸ τῶν μέσων ἐπὶ τὰ πέρατα καὶ ἀπὸ τῶν περάτων ἐπὶ τὰ μέσα φερόμενον συνέχεται (Cfr. ). ἐν δὲ ἀπείρῳ οὐδέν ἐστι μέσον οὐδὲ πέρας˙ ὥστε οὐδὲ ἔμψυχόν ἐστι τὸ ἄπειρον. καὶ διὰ τοῦτο εἰ ἄπειρόν ἐστι τὸ θεῖον, οὔτε κινεῖται οὔτε ἔμψυχόν ἐστιν. κινεῖται δὲ τὸ θεῖον καὶ ἐμψυχίας ἀξιοῦται μετέχειν˙ οὐκ ἄρα ἄπειρόν ἐστι τὸ θεῖον.