HTML: http://ancientsource.daphnet.iliesi.cnr.it/texts/Sextus/Math-9,324
RDF: http://ancientsource.daphnet.iliesi.cnr.it/texts/Sextus/Math-9,324.rdf
1.
[9.324] ἀλλ' εἰ μήθ' ἑαυτῷ προστίθεται ὁ παλαιστὴς μήτε τῷ προϋποκειμένῳ πήχει, λείπεται
λέγειν αὐτὸν τῷ ἐξ ἀμφοτέρων ἀποτελουμένῳ ἑπταπαλαίστῳ μεγέθει προστίθεσθαι. ὃ πάλιν ἐστὶν
ἀλογώτατον˙ τὸ γὰρ πρόσθεσιν ἐπιδεχόμενον προϋποκεῖσθαι δεῖ τῆς προσθέσεως, οὐχὶ δὲ τὸ
γινόμενον ἐξ αὐτῶν προϋπόκειται αὐτῶν. οὐκ ἄρα τῷ γινομένῳ ἔκ τε τῆς προσθέσεως καὶ ἐκ τοῦ
προόντος προστίθεται τὸ προστιθέμενον.